الى كل طالب وطالبة بالمعهد

الى كل طالب وطالبه فى المعهد
العبد لله خريج المعهد العالي للطاقة خريج 2007
م/محمد السمان مهندس كهرباء أحب ا ن ابين ان المعهد العالى للطاقه على مر السنين خرج كفاءات في مصر والدول العربية وثابتين نفسنا في كل مكان
والمعهد ده بيطلع ناس فاهمه انا عارف كل الصعوبات اللى فيه بس صدقونى كل اللى طلع منه بيحبه ومنتمى ليه
وهتعرفوا قيمته بعدين واليكم النصائح الآتية لكي تكونوا مهندسين جيدين وتجدوا فرص عمل مناسبة والله الموفق وياريت تاخد كلامى من أخ اكبر وهتشوف كلامى صح ولا غلط لان ده ناتج عن خبرة منى ومن زملائى واللى أكبر منى :-
1-أفهم كويس وميهمكش الامتحانات ذاكر عشان تفهم
طيب كيف تفهم كويس
2-ذاكر المواد بالعربى وخلى بالك من كلام الدكتور كويس وبعدين لما تفهم كويس بالعربى هتلاقى نفسك كويس وهتحل وهتذاكر وهتكتب بأسلوبك بالانجليزى .
3-أسال ومتخافش من الدكتور ولا تتكسف من الطلبه .
4-حدد مجال عملك بعد التخرج
-مهندس تركيبات كهربيه (في شركات المقاولات) - مهندس مصانع -مهندس في شركات التوليد والنقل والتوزيع -مهندس صيانة -كهرباء معدات أو أي قسم تختاره
المهم الحاجات اللى لازم تكون ملم بيها فى اى قسم تختاره
1-اللغة الانجليزية .
2- أوتوكاد .
3-فن الإدارة والقيادة .
4-فن التعامل مع الشخصيات .
5-الصبر والتوكل على الله
6-المرونة في الأسلوب والبعد عن العصبية لانك ياما هتشوف من العمال والصنايعيه والمحاسبين ومديرين الشركات والمقاولين لازم تبقى أحسن من الكل فى الأسلوب واللباقة وتعرف الكلمه رايحه فين وجايه فين
تعرف امتى تشد وامتى ترخى
وعلى فكره الكلام ده اهم من الفنيات ومدى قوتك العلميه لان بلسانك وشخصيتك هتكبر بسرعه وهتروح اماكن كويسه
طيب بالنسبة للمقاولات
أهم مايلزمك :ـ
-برنامج أوتوكاد .
-دراسة والاطلاع على الكود المصرى والأكواد الدوليه خاصه
ال IEC والكود هى المواصفات التى تقررها الدوله فى التركيبات الكهربيه .
-معرفه الفرق بين المقاول والأستشارى والمالك .
-دراسة انواع العقود والمقايسات والمستخلص والحصر .
-دراسة مبادىء الأدارة والقياده .
وأهم عناصر مجال التركيبات الكهربيه بالمقاولات
1-مصدر الجهد (المحول أو أقرب لوحه توزيع )
2-خطوط النقل والتوزيع
3-اللوحات الرئيسيه والفرعية بالمشروع .
4-دراسة دوائر البرايز والأنارة وكيفيه توزيع الاحمال بالمشروع .
وتفصيلا
-الألمام بخطوط النقل والتوزيع ودراسة voltage drop .
-الكابلات وأنواعها وطريقه توصيل الكابلات أو دفنها .
-الألمام بأنواع لوحات الكهرباء ومكوناتها ومواصفاتها .
دراسة كيفيه وضع مخارج الكهرباء بالاسقف وعلى الحوائط وتوزيع الاحمال
بالنسبه للبرايز والأنارة
-دوائر أنظمة الحريق وأنواعها .
-دوائر كاميرات المراقبه .
-دوائر البيانات والتليفونات .
-دوائر أنظمه الأمن .
دوائر الصوتيات
-معرفه مبادىء المولدات والمواتير ودوائر التحكم البسيطة ولا يشترط الالمام الكامل بهذا المجال لقله الاحتكاك بهذا المجال وان كان فله مختصين غير مهندس التركيبات.
يتبع بعون الله للأستفسار م/محمد السمان lions_leader@yahoo.com

ذاكر المواد بالعربى وخلى بالك من كلام الدكتور كويس وبعدين لما تفهم كويس بالعربى هتلاقى نفسك كويس وهتحل وهتذاكر وهتكتب بأسلوبك بالانجليزى

أنا البند دة مش عاجيني
أنا من وجهة نظري تفهم بالعربي وتذاكر بالأنجليزي وتكتبه به بردوا

بس تشكر للموضوع الجميل ونفع الله بك و جزاك كل خير